Uppáhaldsvörurnar mínar frá LEE STAFFORD

4:25 AM

Ég ákvað að taka saman vörurnar frá Lee Stafford sem ég nota en ég er algjör sökker þegar það kemur af ódýrum og góðum hárvörum og ekki skemmir fyrir að allar umbúðirnar eru BLEIKAR! 


Uppáhalds frá Lee Stafford

SEA SALT SPREY

Ég er nýlega búin að kaupa mér sjávarsaltið og nota það eiginlega á hverjum degi. Ég þurrka hárið með handklæði, spreyja svo sjávarsaltinu og kreisti því vel inn í hárið. Ég leyfi því oftast bara að þorna en stundum nota ég hárblásarann ef ég er á hraðferð. Ég nota spreyið líka stundum í þurrt hárið til þess að fá meiri lyftingu í það og leyfi því þá að vera smá úfið.

POKER STRAIGHT FLAT IRON PROTECTION SHINE MIST

Klárlega besta hitavörn sem ég hef átt. Ég hef alltaf átt í erfiðleikum með að slétta þetta blessaða hár mitt en þetta efni gerir það mun auðveldara. Ég mæli með því að spreyja hitavörninni í hárið fyrir blástur þar sem það sléttir smá úr hárinu strax. Ég nota það svo aftur yfir hárið þegar ég slétti það. Hárið fær fínan glans af efninu og lyktin er einstaklega góð. Þar sem ég er komin með stutt hár verð ég vonandi duglegri að nota sléttujárnið..

HOLD TIGHT HAIRSPRAY

Ég er orðin frekar dugleg að nota hársprey miðað við þegar ég var yngri. Algjör snilld að nota það yfir greiðslur, ný sléttað hár og jafnvel til að halda hárinu á sínum stað þegar maður fer í ræktina. Hárspreyið gefur gott hald og áferðin verður mjög flott. 

ORIGINAL DRY SHAMPOO *

 Ég er búin að nota þetta þurrsjampó núna í mánuð og ætla ekki að skipta aftur í Batiste þurrsjampóið mitt. Mér finnst það segja mikið þar sem ég er búin að vera háð því í nokkur ár haha.. Stærsti kosturinn við þetta þurrsjampó er að það koma engar hvítar agnir í hárið. Ég nota þurrsjampóið alltaf á morgnana til að fríska upp á hárið og fá smá lyftingu. Brúsinn er mjög þæginlegri stærð til að henda ofan í tösku sem er snilld.

SUN KISSED LIGHTENING SPRAY *

Ég keypti mér þetta sprey fyrir sumarið. Það lýsir hárið hægt og rólega og það er hægt að nota það til þess að lýsa allt hárið, fá ombre, strípur eða til að laga rót. Ég spreyja því í blautt hárið, greiði í gegnum það og blæs það svo. Ég er bæði búin að prófa að nota það í allt hárið og svo seinna bara í endana og mér finnst það virka mjög vel! Ég var kannski að ofnota þetta á tímabili til að lýsa dökka hárið á mér og ég var fljót að klára brúsann. Það er semsagt mælt með að nota það aðeins einu sinni í viku og 3-4 skipti ættu að duga til að fá þann árangur sem leitað er eftir. Alveg eins og þegar maður litar á sér hárið þarf að hugsa vel um hárið á meðan á meðferð stendur. Góð olía & djúpnæring getur gert kraftaverk. 


Fyrir þær sem eru ljóshærðar mæli ég með að þið kynnið ykkur Beach blondes línuna. Ég er að prófa hana núna og sé mikinn mun á hárinu á mér & mun segja ykkur frá henni við tækifæri :)

Lee Stafford vörurnar fást sem dæmi í Hagkaup og á Heimkaup.is 


Vörurnar í færslunni keypti höfundur sjálfur nema þær sem eru merktar með *

You Might Also Like

0 comments

Subscribe